ANINGAASANUT NUNALLU ALLAT ANINGAASAANNUT POLITIKKI

Naalagaaffeqatigiinneq aqqutigalugu Kalaallit Nunaat Savalimmiutulli Danmarkip aningaasaatai pillugit aningaasaqarnikkullu suleqatigiipput. Suleqatigiinnermi aningaasaqarnikkut ingerlatsinermi Danmarks Nationalbanki akisussaasuuvoq.

Nationalbankip aningaasaqanikkut ingerlatsinerani siunertaa tassaavoq danskit koruuniat euromut sanilliullugu nalingata patajaatsuunissaa. 100 euro-nut koruunit 746,038-iutiinnarnissaat aningaasaqarnikkut ingerlatsinermi aalajangiusimaniarneqarpoq. Taamatut naleqartitsiuarnissaq ajornarpoq taamaattumillu 2,25 pct. +/- iluani taamaallaat nikerarsinnaanissaa periarfissinneqarsimavoq.

Koruunip nalingata nikikkiartornerata sanilliunneqarnera Titartagaq 1-mi takuneqarsinnaavoq.

Titartagaq 1

Qallunaat koruuniata nalinga euromut naleqqiullugu

Najoqqutaq: Qallunaat Nunaata Nationalbankia

Nunani allani aningaasat nalinganut pingaarutilinni, pingaartumik dollari, yeni pundilu niuerfinnit aqunneqarput. Aningaasat taakku nalingisa ineriartornerat, aalisakkat qaleruallillu Kalaallit Nunaata nunanut allanut nioqquteqarnerani akiinut aamma assersuutigalugu uuliap eqqussorneqartup qanoq akilerneqarnissaanut sunniutilerujussuupput (unammillersinnaassuseq).

Titartagaq 2

Koruuni dollarimut, pundimut yenimullu naleqqiullugu

Najoqqutaq: Qallunaat Nunaata Nationalbankia

Island nunat avannarliit aningaasaat malillugu aningaasaqarpoq danskit aningaasaat malinnagu. 2003-2006-mi Islandimi akitigut aningaasarsiornikkullu annertuumik ingerlalluartoqarpoq. 2006-ip aallartinnerani Islandip aningaasaqarnera tatiginarunnaarpoq, Islandimiullu koruuniata nalinga annertuumik appariarluni.

Titartagaq 3

Islandinimiut koruuniata nalinga

Najoqqutaq: Qallunaat Nunaata Nationalbankia

Nittartakkat takuneqarsinnaasut:

Danmarks Nationalbanki aamma nationalbankip aningaasanut nunanullu allat aningaasaannut politikkia pillugu annertunerusumik uani takusaqarit: www.nationalbanken.dk